Seanca e trajnimit kishte një ekuilibër të përsosur mes shpjegimeve teorike për vlerësimin e ndikimit si nga këndvështrimi i përmbajtjes dhe ai i procesit, dhe rekomandimeve konkrete për zbatim gjatë punës së avokimit. Njohuritë e thelluara dhe përvoja personale me fushën që kishte trajnuesi, bënë që seanca të jetë tejet me vlerë të çdo profesionist të çështjeve të BE-së.

Punova me Erikun kur e ftova për një kurs trajnimi për ekspertë ligjorë të nivelit të lartë në BE, ku ai diskutoi Vlerësimin e Ndikimit dhe rolin e Komisionit Evropian, nën këndvështrimin e mundësive për avokim. Njohuritë e tij u pritën me shumë vlerësim dhe feedback-u për të ishte i shkëlqyer.

Erik është profesionist efikas me njohuri të thelluara për proceset e politikave të BE-së dhe është i aftë të përçojë ekspertizën e tij në mënyrë të aksesueshme dhe të pëlqyeshme. Qasja e organizuar dhe e përpiktë e Erikut e bën bashkëpunimin me të një kënaqësi të vërtetë

Erik ishte eprori im (Drejtues Ekipi) në Projektin për Hartimin e Politikave në Kosovë (2016-2020). Njohuritë e tij për hartimin e politikave, rregullimin më të mirë dhe vlerësimin e ndikimit, veçanërisht në vendet në zhvillim, janë mbresëlënëse. Aftësitë e tij të menaxhimit ishin çelësi i një bashkëpunimi shumë të mirë me Qeverinë gjatë katër viteve të projektet dhe për suksesin e tij në Kosovë.

Erik Akse punoi për një projekt për ngritjen e kapaciteteve për Vlerësimin e Ndikimit Rregullator (VNR) në Moldavi në vitin 2020, nën mbikëqyrjen time. Ai punoi për hartimin e manualit të VNR-së dhe udhëzues të shkurtër për të ndihmuar në zbatimin e metodologjisë së re VNR të miratuar nga qeveria. Më pas ai zhvilloi një trajnim të VNR-së për trajnuesit, lektorë të Akademisë së Administratës Publike të Moldavisë dhe për trajnues të tjerë të mundshëm. Në fund, ai hartoi materialet për një trajnim të mundshëm për VNR-në, që mund të zhvillohet rregullisht nga trajnuesit për nëpunësit civilë. Puna e Erikut u vlerësua shumë nga palët e interesit dhe dha kontribut të rëndësishëm për zbatimin e suksesshëm të projektit. Erikun e rekomandoj me forcë për detyra të ngjashme. Ndihuni të lirë të më kontaktoni për informacion të mëtejshëm.

Kam pasur bashkëpunim me Erik Akse si Drejtues Ekipi/Ekspert Afatgjatë për Hartimin e Politikave nga korriku i vitit 2016 deri në dhjetor të vitit 2020. Ai ishte koleg i shkëlqyer i cili përmbushi të gjitha përgjegjësitë e veta në standardin më të lartë. Ai ishte gjithmonë i gjindshëm, i besueshëm dhe tërësisht i përkushtuar për zbatimin e një projekti të rangut botëror dhe për të mbështetur Qeverinë e Kosovës. Ai menaxhoi ekipin tonë prej pesë konsulentësh afatgjatë dhe një asistent vendas projekti, si dhe një sërë ekspertësh afatshkurtër dhe ishte drejtues shumë i mirë ekipi, i cili inkurajoi performancën e lartë dhe bashkëpunimin e mirë. Puna me të më ka pëlqyer dhe do të isha i gatshëm të bashkëpunoja përsëri me të në projekte të ardhshme.

Unë kam pasur kënaqësinë të punoj me Erik për 4,5 vjet në kuadrin e Projektit për Hartimin e Politikave të financuar nga SIDA, në Zyrën e Kryeministrit të Kosovës, në mbikëqyrjen e tij të drejtpërdrejtë tek mbante rolin e Drejtuesit të Ekipit. Erik ka qenë gjithmonë mbështetës jo vetëm për mua, por për të gjithë pjesëtarët e ekipit. Ai ka paraqitur aftësi shumë të mira drejtuese, më ka falënderuar për punën time, i është përgjigjur shpejt të gjitha email-eve të mia, dhe më ka ndihmuar të tejkaloj sfidat në punë duke më udhëzuar dhe siguruar instrumente për zgjidhjen e problematikave. Erik, do të të jem gjithmonë mirënjohëse. Tanimë nuk punojmë në të njëjtin projekt, por kam marrë tashmë një model të shkëlqyer për drejtimin e grupeve të profesionistëve në mënyrë frymëzuese dhe për arritjen e rezultateve të mira. Mirëpres mundësitë për të punuar përsëri me Erik Akse në projekte të reja në të ardhmen!